Rekordmange passasjerar på Stord-Oslo-ruta legg grunnlag for utviding av rutetilbodet. Stord-Oslo-ruta opplevde i november eit rekordhøgt passasjertal med over 4.000 reisande. Sidan dagens ruteprogram opna i april, har meir enn 30.000 reist med oss, ei utvikling som no gjer utvidingar i rutetabellen mogleg.
Frå 04. mars vert det ein ekstra avgang i veka. Talet på rundturar aukar frå 15 til 16 pr. veke.

For å imøtekoma den aukande etterspurnaden legg vi til ein ekstra
ettermiddagsavgang på tysdagar:

• Frå Stord: Avgang kl. 13:30
• Frå Oslo: Avgang kl. 15:00

Nye avgangstider frå 8. januar
Etter førespurnad frå lokalsamfunnet blir onsdagens tidlege ettermiddagsavgang flytta til formiddagen. Dei nye tidene blir:

• Frå Stord: Avgang kl. 10:00
• Frå Oslo: Avgang kl. 11:30

DAT er svært takksame for den gode støtta til ruta. Vi ser fram til å fortsette å levere eit høgt servicenivå og bidra til lokalsamfunnet.