I januar nytta 4.344 personar seg av Osloruta til DAT. Kabinfaktoren var på 71,5%. Samanlikna med samme periode i fjor utgjer dette ein auke på 938 passasjerar eller 27,5%.

Grunnen til den positive trafikkutviklinga er at Osloruta no er inkludert i dei statlege FOT-rutene. I praksis betyr dette at ruta har ein god frekvens, gode rutetider og konkurransedyktige billettprisar.

Dagens FOT-rute anbod på strekninga Stord-Oslo går fram til 31. oktober 2027. Samf.dep. har alt starta arbeidet med utlysing av nytt anbod. Det nye anbodet skal ha oppstart 01. november 2027. Lengda på anbodet er 4 år.

For lufthamnselskapet er det svært viktig at Osloruta også vert inkludert i det nye anbodet. Utan FOT-rute vil framtida til Stord lufthamn vera usikker.

Foto: Stord lufthamn