Det heilelektriske fraktflyet til Bristow har hatt fleire turar innom Stord lufthamn denne veka. Årsaka er at flyet for tida driv testflygingar mellom Stavanger og Bergen, og då av og til nyttar høve til å lada batteria på Stord.

Flyet, av typen Beta Alia CX300 kan ladast opp på under ein time og har ei rekkevidde på meir enn 620km. Toppfarten ligg på 153 knop, om lag 283km/t, og flyet kan ha med seg ei last på i overkant av 600kg.

I framtida vil flyet foreta faste fraktflygingar mellom Bergen og Stavanger, med Stord som alternativ landingsplass.

Foto: Thomas A. Hjelmen